【槓桿致勝】銀娛不宜做短線部署

【Now財經台】澳門5月賭收創逾5年新高，銀河娛樂(00027)股價近日反覆向上，已升穿幾條主要移動平均線，股價今日(3日)一度高見34.35元，依家CALL輪條款普遍唔夠100日到期，行使價40元至46元，投資者應該點部署？

胤源世創家族辦公室(香港)第一副總裁黃偉豪指，雖然近期出爐嘅賭收數據唔差，令賭股氣氛好轉，但始終升勢唔強。此外，行使價40元以上，同正股現價有啲距離，佢認為，短期而言，正股上試至行使價水平，或變成價內嘅機會性唔高。

Ravi補充，行使價40元至46元，唔夠100日到期嘅CALL，時間損耗值快，加上近期銀娛動力減弱咗，做即市部署作用唔大，佢建議先行觀望。