【專家分析】神秘大戶搬阿里大貨到港有咩啟示？

【Now財經台】有大戶喺5月21日，將約5.49億股阿里巴巴(09988)美股預託證券(ADS)轉入中央結算系統(CCASS)，若以當收市價計，呢批股份總值逾600億元，而阿里ADS託管行花旗嘅持倉，喺5月23日由不足10%大幅增至逾12%，點睇呢個動作？

天風國際證券經紀業務部董事李偉傑指，雖然近期美國已較少傳出要迫中概股退市嘅消息，但香港作為中國主權範圍內嘅市場，轉貨返香港可視為分散地緣政治風險策略，始終中美角力仍處於白熱化階段，相比依賴單一市場，將啲貨搬返香港以減低市場不確定性憂慮都係合理做法。Jason又指，大戶將呢批股份轉入CCASS可解讀為，本港市場對集團嘅認受性或期望度高。