【專家分析】新世界延派永續債息後要留意...

【Now財經台】新世界發展(00017)上周五晚(5月30日)宣布，4隻永續債券(Perpetual bond)要延遲派息，雖然根據永續債條款，延遲派息唔算違約，短期可以慳到19億元利息開支，似乎對集團短期現金流有幫助，但難免損害市場信心，揸住新世界永續債嘅投資者應該點算好？

信達國際研究部董事趙晞文指，無論用資金派息或還債，前提都係資金回籠後，手頭上頭寸夠唔夠，此外，利息覆蓋倍數係債市嘅重要指標，如果利息低於某個倍數，就會技術性觸及債務違約，所以新世界今次延遲派息，起碼將利息倍數維持喺set定嘅價上面，不過，對一般機構投資者嚟講，難免會打擊揸永續債嘅信心。

晞文續指，如果純粹由成件事發酵嘅時間嚟睇，永續債個價係「腰斬」咗一半以上，平均債價喺20至40嘅區間入面。佢又提醒，嚟緊新世界旗下資金靠乜嘢回籠，就係市場後續需要留意嘅重點。