【now.com.財經】再有市值逾千億人仔，本身已經喺A股掛牌嘅內地企業，計劃嚟香港上市。
據《彭博》報道，由「湖南女首富」周群飛創立，被視為蘋果公司(Apple Inc.)概念股嘅藍思科技，已經通過咗港交所(00388)嘅上市聆訊，據報H股最多逾110億元，上市日期暫時未有定案，中信証券出任獨家保薦人。報道又話，集團已開始評估投資者對公司喺香港上市嘅興趣。
但值得留意係，喺香港上市嘅Apple概念股，已經有一段時間唔係市場焦點或炒作對象。
業績方面，藍思科技去年收入近700億人仔，按年增長逾28%，股東應佔溢利就逾36億人仔，按年增長近20%。
