【Now財經台】恒生指數今年暫時累升近21%，雖然第2季經歷過4月美國總統特朗普(Donald Trump)突然發動關稅戰，以及中東局勢急升溫，但單計第2季，恒指仍升5%，點睇下半年走勢？邊啲股份買得過？
勝利證券首席顧問陳建良指，美國關稅戰仍然唔明朗，而中國制定嘅經濟措施就要睇關稅戰嘅發展，佢估計，恒指第3季將會維持「慢升急跌」格局，導致長線資金要繼續坐貨，但反而對港股有利。
KL又話，恒指第3季有機會見25000點，又話二、三線股可能會跟住唔同主題炒作，尤其係二線科技股及個別醫藥股。此外，亦可以留意第2季表現唔好嘅股份，例如電動車股，當唔同主題輪流炒嘅時候，呢啲股份有機會受惠。
