【Now財經台】石藥集團(01093)今日(29日)出咗第1季度業績，表現差過預期，收入及純利都要跌，主業成藥上季整體收入跌27%，其中，神經系統藥、抗感染藥跌約30%，抗腫瘤藥更大跌逾60%，點解表現會咁差？
艾德金融執行董事陳政深表示，睇返毛利率數據，部分產品銷售收入受藥品集中帶量採購，以及國家醫保藥品目錄藥品價格調整嘅行業政策影響，而呢啲影響短期仍會持續，亦唔會係一次性。不過，如果基數較低，收入可能唔會跌得咁慘烈。
Ryan又話，市場始終仍有需求，所以原料產品表現唔差，尤其是維生素C嘅收入按年增長25%，算交到功課，但由於佔比始終不及成藥業務，但成藥業務明顯受國策拖累。
